معتقات سورية

اذهب الى الأسفل

معتقات سورية

مُساهمة من طرف Mohammad.h في السبت أبريل 10, 2010 12:56 am

معتقدات سورية !!!!!!!!!!




• اذا انكسرت كاسة يقال: ان-ر ‏الشر
• من يأكل من رغيف غيره يخاصمه و ‏يعاديه ( كتير بتكون قاعد مع اسرة شامية على سفرة الاكل ‏و بتلاقي الام عم تخانق ابنها لانو ‏اكل من خبزة اخوه : ليش قال اذا اكل من خبزة اخوه بيتخانق معو (
• اذا مر حدا فوق الطفل ما ‏بقا يطول ( انو اذا طفل صغير مسطح ما بصير حدا يمر من فوقوا ليشششش لان ما بعود ‏بيطول الولد بيطلع قصير؟؟!!! و متل ما بقول المتل فشخة حية ولا فشخة بنية(
• ‏قص الاظافر بالليل مو منيح (لا تسألو ليش ما بعرف ولا حدا بيعرف بس مو ‏منيح و خلص (
• ‏مراششة الميه فراق (ما بصير حدا يرش رفيقو بالمي لان بعدين ‏بيتفرقوا (
• ‏للي بيفوت على بيت جديد بيفوت معه عرق اخضر و مقص و مصحف و ‏يدخل بالرجل اليمين
• ‏اذا اجت الكندرة فوق الكندرة يعني رايحين مشوار
• ‏اذا زحف الولد او زقزقت العصافير معناها جاينا ضيوف
• ‏ذا طنت ‏ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا ‏بالعاطل
• ‏اذا كان في خناقة بيقولوا اقلبوا الصرامي لتحمى الخناقة (شماتة ) ‏الله لا يشمت حدا فينا
• ‏اذا رفت عيني اليمين بيكون جاينا خبر طريف
• ‏ذا رفت عيني الشمال بيكون جاينا خبر مو منيح
• ‏اذا حكني حاجبي ‏معناها بدنا نستقبل حدا جاي من السفر
• ‏و ما بصير الحمام بالليل
• و ‏ما بينفع كب المي بالبلوعة بالليل من غير التسمية بالله و الاستعاذة أولا (يالطيف ‏مشان ما يأذونا ولا نأذيهن (
• واذا شفت مقص مفتوح لازم فورا ‏تسكرو ( لانو المقص الفاتح تمو بيعمل خناق(
• ‏وما بيصير نفتح ونسكر المقص كتير ‏كمان بيعمل خناق
• إذا عمل العصفور تحتو على ‏الأواعي يعني جاييكون رزقة
• ‏و دلق القهوة رزقة
• و شرب المي بعد القهوة ‏قلة زوء
• إذا حكني كفي اليمين معناها بدي أقبض مصاري
‏و إذا حكني كفي ‏اليسار معناها بدي أدفع مصاري
• ‏و اذا الولد الصغير كتير ابن الشهور ‏عم يضحك لحالو ‏بيقولو الملايكة بتكون عم تحاكيه
• و كمان في اعتقاد انو اذا ‏البنت اول ما خلقت وطوطوها ( يعني دهنوها بدم وطواط ) ما بيعود بيطلعلها شعر بجسمها ‏أبداً
• وكمان يلي حامل بصبي بتتباشع ‏ويل حامل ببنت ‏بتحلا
• و كمان إذا حدا صبلك شاي او قهوة ‏وملى الفنجان كتير بكون قلبوه مليان منك واذا صبها ناقصة ‏هدا دليل على انو هالشخص ناقص
• واذا عندك ضيف اتقيل دم وبدك يروح من ‏عندك على السريع شك دبووس او ‏عدة دبابيس بأيد المقشة او اقرأ ‏سورة الزلزلة
• واذا خايف من عين اتصيبك جيب ورقة ‏واكتب عليها اسم الشخص الي خايف ‏من عينو وغزها بالدبوس وانت عم ‏تقراء المعوذات وتقول من عين افلان و تنفخ
• والي بعد النجوم بيطلعلو تالولات ‏بايدو
• وبعد ما نخلص صلاة نطوي السجادة ‏مشان الشيطان ما يصلي عليها (معلش خليه يصلي وياخود ثواب ‏)


--
Razz Razz Razz Razz

Mohammad.h
عضو مبتدئ
عضو مبتدئ

عدد المساهمات : 45
نقاط : 3242
السٌّمعَة : 0
تاريخ التسجيل : 08/12/2009
العمر : 24

الرجوع الى أعلى الصفحة اذهب الى الأسفل

رد: معتقات سورية

مُساهمة من طرف muhammed_mh في السبت أبريل 10, 2010 5:52 am

حلوين كتير
يعطيك العافية.
avatar
muhammed_mh
عضو مبدع
عضو مبدع

عدد المساهمات : 117
نقاط : 3253
السٌّمعَة : 3
تاريخ التسجيل : 19/01/2010
العمر : 25
الموقع : www.tahasoft.tk

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى